Pacific Place Fashion Show

日期：10-9-2007
時間：3:30PM
地點：金鐘 Pacific Place

撰文：Peony

正式成為上班一族後第二次見陳生 , 但無啦啦都俾一眾 fans 同陳生玩。 o 個日放工之後直接過 o 左去 PP join 返大家。幸太一見到我就問我做乜著得咁靚 ... 其實我都唔想咁著 o 架。雖然成身行政人員 look 好型 , 但唔襯我囉完全。哈。

去到等 o 左 20-30 分鐘都未見陳生蹤影 , 只係見到 o 的工作人員記者 o 係度 set 機招呼緊 o 的嘉賓。過 o 左無幾耐 , 個 fashion show 終於開始。陳生一共換 o 左 3 套衫 , o 係個 Merry-Go-Around 上面擺 pose 。有去 o 既人應該唔會反對我話最令人嘩然 o 既一定係 o 個套超 slim cut + tight o 既 suit 。如果唔係有條 fur 搭住遮一遮 o 既話 , 我諗陳生可能會唔著出 o 黎 , 一係就更加尷尬 o 既樣。哈哈哈。個 show 都 OK 快完。一完 o 左陳生就俾記者捉住係咁影相 , 又係咁做訪問。我 o 地等 o 左一段時間先見到陳生走入後台換衫。

陳生換完衫 o 係後台走出 o 黎 o 個陣 , 我第一個反應係「嘩 ! 佢陣間去打 night tennis 也 ?! 」哈哈哈。陳生係著得勁 hea 勁 casual, 同之前 o 的 suits/smart casual 完全兩回事。 LoLz. 咁 o 岩 Laisin 又買 o 左新 DSLR, 佢羅住影相 o 個陣 , 陳生行出 o 黎 o 個下係 stunned o 左一秒 , 因為佢以為有狗仔隊影佢。嘩哈哈。我見到佢陳生 o 個個 O__O 樣真係好好笑。

之後大家就護送陳生去搭的士 , 沿途同佢傾偈 , 我就一直跟住 o 係後面都無乜留意大家 o 係前面講乜 , 淨係聽到大家大笑。無啦啦陳生就擰過 o 黎望住我話「佢係高層 o 黎 o 架嘛。」跟住又扮和尚 o 係度話「施主 ... blah blah blah 」我唯有回佢 something like 「施主 , 口下留情」。後尾先知原來係幸太同佢講話我著得好靚 , 話我已經返緊工。陳生仲要懶叻話「我知啦。」 ( 心諗：車 ... 懶叻咁 , 咪又係我講過佢知之嘛。哈 )

行到 lift 口 , Laisin 又舉起相機 , 陳生即刻曳曳搞部相機 , 話 Laisin 「有米喎 ... 係咪最新 o 個部也 ? 」呢個電子產品發燒友也又掛住 o 的 gadgets 喇。哈。我搶答「咪玩啦 , 呢部 400D o 者 , 部 40D 等你送也。一係送 Sony 都得 o 架。可以 o 係 gathering 抽獎。」跟住 Laisin 繼續話「係啦 , 我屋企都差部 laptop, 等你送。」嘩哈哈哈 ... 之後我 o 地 o 係度愈講愈過份 , 連 Plasma 電視機都叫佢送出 o 黎俾大家抽獎。嘩哈哈哈。轉個頭 , 成班又轉話題。我就發動攻勢玩返佢 ... 等佢係咁嗌我「高層」嗌得咁過癮也喇。「陳生也 , 我發覺同你做朋友都幾好 , 可以學到中文 o 架。至少會識陳豪兩個字。」之後 Garly o 係隔離已經同大家一齊偷笑。點知陳生唔係好 get 到我 o 地講緊乜。之後我 o 地就解釋話係因為佢個 friend Bernice 之前上 o 左《味分高下》個節目玩遊戲 , 佢食到蠔油 , 但由於佢唔識中文 , 主持人就點佢話 o 個兩個字係「陳豪」。點知 Bernice 好肯定話「我識呢個字 ( 蠔 ), 係 ho 嘛 ( 佢遮住 o 左個「虫」字旁 )... 但呢個 ( 油 ) 唔係喎。」陳生聽完之後又哈哈大笑仲問「依 , 出 o 左街喇咩 ? 」 xDD 最鍾意睇到陳生 blushing 個樣 ... 睇佢仲夠唔夠膽玩我 o 地 ... 哈。

等的士期間 , 陳生電話響起 , 我 o 地就狂笑 ... 因為佢個 ringtone 唔襯佢 --- 都唔夠「潮」 o 既。竟然係「古老電話聲」 !!! 救命也 ... 點解點解 ?!? 原來係 Mo 媽打俾佢約 o 左佢食飯 , 所以我 o 地催佢快 o 的上的士唔好要 Mo 媽等喇。 Bye Bye!