日期: 2004年4月13日
時間: 晚上七時三十分至晚上十一時
地點: 尖沙咀亞士厘道 Hair Culture Cafe
出席者: Moses, FunYan, Louisa, Blue, Dorothy, June, 林太, Daisy, 安琪, Ar Sin,
Man Man,
Louise Wong, Angela, Kannus, Hester, 韓芳, Andrea, Gloria, Kathy,
Agatha,
另加大會攝影師 阿日, 阿魚。
前傳
雖然欣賞O左阿MO都好耐,但係第一次見阿MO,就係O係佢舊年O既生日會。我真係估唔到,今年我會成為佢生日會O既其中一個搞手(而另外三位就係FUNYAN,阿LOU同埋阿BLUE),真係好不可思議`。由計劃今次O既生日會,到真係搞得成,差唔多都有半年時間。其間我O地不斷同阿MO個助手CARRI度期,一路都問住幾時阿MO有期可以搞到個生日會。其間我O地幾個真係好驚搞唔成,因為阿MO個工作表真係好唔STABLE,所以真係好難可以度到期,後來仲沮喪到諗定如果到時真係搞唔成,唯有要等阿MO拍外景時,捧住個蛋糕同佢慶祝。
好彩,我O地終於係4月11號夜晚CONFIRM到生日會O係4月13號夜晚搞。因為第二日我O地4個一早都約左會出O黎(就係佢O地3個幫我預祝生日!),所以就第二日可以即刻出黎一齊傾搵場地,餐廳等…問題,一傾掂BOOK好場之後,就即刻打電話俾咁多位會員,通知大家。(我O地當時就係坐左係茶餐廳度打電話俾大家,諗起都幾好笑!4個人食完野,又唔走,但係就搏命打電話,個情況好似大家都有幾廿億生意傾緊咁O既款!!)其實係諗去邊間餐廳個時,都好傷腦筋,我O地又只有一日去準備,又包唔設場,地方又唔可以太揚,又要驚唔知幾多個人會黎,又要預人數(我O地當時因為未知係邊度搞個生日會,所以都唔敢打俾大家,咁就預唔到人數!)。
最後,經阿LOU O既提議,我O地就揀左係亞士厘道O既HAIR CULTURE
CAFE,因為貪O個度個地址好似一個長方形,我O地BOOK左後半PART地方,都唔會好揚,而且又唔洗落訂,只係好似平時食飯訂檯咁就可以,所以大家都好贊成!不過搞掂左地方呢個問題之後,我O地又要煩第二個問題,就係人數啦!由於我O地太趕咁通知大家,所以都唔知會有幾多個人真係O黎到同埋會O黎,雖然係打電話期間,好多會員都問,點解會咁抆先通知,經過我地解釋之後,大家仲都好體諒添,真係感動。到我O地CONFIRM晒人數之後,TOTAL有廿位會員出席,真係好開心,而且有好多都係新會員O黎O既。我同阿BLUE就各自搵左一個朋友O黎生日會幫忙做大會O既攝影師!
13/4/2004
生日會定左晚上7點半開始,但係我下午就已經出O左O黎,買定D
O野準備一下,例如:簽名筆呀,LABEL呀,等等…兩點半左右,我就接到阿BLUE打O黎O既電話,佢話佢個朋友臨時O黎唔到,所以今日無大會攝影師,阿BLUE當時都好無奈,仲話不如自己影返,咁我就話:到時大家都要幫手安排各樣O野,邊仲有時間影相呀?於是我就諗起我另一位朋友
-
阿魚,所以我就即刻打電話俾佢,我一問完佢今晚得唔得閒,其實我諗佢都估到D我想點,咁我就單刀直入同佢講話想今晚搵佢O黎做大會攝影,幫手影相。佢二話不說就應承O左我,真係好感動!咁呢樣O野,又搞掂左啦!!好O野!
到差唔多晚上六時四十五分,我就會合埋阿LOU,一齊去尖沙咀地鐵站美心拿蛋糕,然後就一齊行去HAIR CULTURE
CAFE,準備一切。點知O係我O地行緊過去O個時,就見到MAN
MAN已經係集合地點即係漢口道O既HMV門口等緊(註:集合時間為1915。),我O地開頭仲以為認錯人,點知行近D,原來真係MAN MAN
O黎O既,估唔到佢咁早就到左,當時好似只係7點咋!~不過因為我O地仲未去CAFE準備,所以我O地就叫MAN MAN
O係度等多一陣,我O地轉頭就會去接佢去CAFE先,費事佢等咁耐呀嘛!~七時正,我同阿LOU就到達左CAFE,就叫店內O既職員幫我O地移好晒O的檯同埋椅。過O左十分鐘,阿BLUE都O黎埋,佢仲帶埋MAN
MAN一齊O黎。阿BLUE放低晒O的O野之後,就同埋阿LOU一齊去HMV等埋其他會員,而我就繼續留守O係CAFE入面,睇O下仲有冇O野漏到,同埋就係打俾FUNYAN,睇O下佢到未。
大家都好準時,所以大約O係7點20分,阿BLUE同阿LOU就帶住第一批會員O黎到CAFE,當然仲有FUNYAN,阿日同埋阿魚(呢兩位就係我O既朋友,今晚仗義O黎幫手做大會攝影,幫手影相同埋VIDEO)都O黎埋啦。O係阿BLUE同埋阿LOU去等埋其他會員O既同時,阿LOU就叫我不如幫手收O左入場費先,咁又係WOR,一陣阿MO
O黎到,一家情況幾亂O下,所以都係收O左錢先。咁呢個時候,我就逐個逐個收晒入場費,每人$150(包括晚餐,生日蛋糕及其他什費)同埋就係替各位會員落單寫低大家DINNER食D乜野啦!到七點半,所有會員都O黎齊晒(除左AGATHA,因為佢未放工,所以就要遲D先再自己O黎JOIN我O地)。
而我,就其實一路都好緊張,因為我係負責去接阿MO O黎CAFE O既,所以當佢O黎到附近O既停車場,佢就會打電話俾我,話我知可以去接佢。(因為當晚阿MO
O既助手CARRI唔O係香港,飛左去第二度做野,所以阿MO事先已經問左CARRI拿我O既電話號碼。其實點解其他3個搞手O既電話唔拿,係要搵我O個個呢?就係因為我O係香港放假實在太得閒無O野做,所以佢就搵我囉!)等到差唔多7點40分,仲未收到阿MO
O既來電,我同其他3位搞手都焦急起上來。我連電話都唔敢打,有電話搵我都盡快講完就收線,費事阿MO真係打O黎個時唔通就弊啦!由於我一路都勁緊張,又唔知個電話幾時會響,(搞到好似陀O左個炸彈O係身咁,又唔知幾時爆咁。)所以我就同阿LOU講話想出去行O下,去定之前同阿MO約好左O既地點(即係北京道一號個停車場電梯口)等住先,希望自己可以RELAX一下。行O左出去之後,真係個人無再咁緊張,就係度諗,可能阿MO過海同埋出到黎尖沙咀區塞車,先會遲O家O者,應該無事O既~
大約7點50分,終於有一個無來電顯示O既電話打O黎,呢個人就O係阿MO!!佢話佢無將架車泊去北京道一號,但就泊左去海洋中心個邊。佢就叫我O係返北京道一號樓下等佢,佢話依家行緊過O黎會合我。我O地好快就收左線,而我就行返落去街上面等阿MO。其實由海洋中心行過O黎北京道一號,通常都係5分鐘左右,不過可以因為我心急啦,所以就覺得呢5分鐘好似過得特別慢咁。期間阿LOU就打俾我,問阿MO打O左俾我未,O黎到未,就係O係呢個時候,我就見到阿MO係遠處(距離都有4間鋪位咁遠)行緊過O黎,仲同我揮手示意叫我快D行過去佢O個度,咁我就即刻同阿LOU講話我見到阿MO,就收左線啦!咁我行到埋去阿MO度,就見到佢手上面拎住兩大袋O野,仲好重添。阿MO就即時遞左其中一袋俾我拎,咁我都問佢,不如俾埋另一袋我拎啦,(咁始終阿MO係藝人,我唔想佢係條街度好似咁狼狽咁啦)不過佢就唔肯俾我,因為佢話呢一袋真係好重,叫我拎比較輕少少O個袋就OK啦!咁我就問佢,呢O的O野係咪就係用O黎抽獎O家,佢就話係啦,仲話拎多D俾我O地抽咁話喎!!O係呢段路程,我就同阿MO
BRIEF
O左一次今晚成個RUNDOWN,大約會做O的乜野,阿MO都幾留心聽啦!~差唔多行到去CAFE,我O地兩個就見到阿LOU同埋阿BLUE已經企左係CAFE門口迎接阿MO啦!我O地幾個一見到阿MO就即時個心定晒!!哈!
阿MO O黎到都差唔多成8點鐘,好多會員都已經飲緊餐湯傾緊計,大家見到阿MO
O黎都無尖叫,表現得好平靜,可能因為有好多會員都係第一次見阿MO(有D怕羞啦!不過見多幾次就唔會咁O家啦!哈!),同埋今晚我O地唔係包場,出面仲有其他食客,都唔想嚇親人啦。阿MO坐低左之後,都即時向大家問好,同埋睇O下食D乜野啦!不過阿MO就話因為今日好遲先食LUNCH,所以家下都唔係好肚餓,想唔食O野。但係又無理由叫阿MO睇住我O地食O家嘛,同埋唔食野又點得呢?O係我O地煩音之下,阿MO終於都叫左個"廚師推介",係青口O黎O既,不過到落單個時,職員竟然話無貨!!(激死!之前另一位職員仲RECOMMEND我O地叫呢個青口,點知原來無返貨!!)之後阿MO就點了個SALAD,都總好過佢乜都唔食O既!阿MO就好GENTLEMEN,見到我O地檯面O的食物放晒係度,就叫我O地食先,唔洗等佢,開頭我O地都唔好意思要阿MO睇住我O地食野,自己又無得食,不過我O地諗諗O下又係喎,我O地幾個唔快D食,又點安排之後O既節目呢?!不過可惜,我O地個主菜未O黎,阿MO個SALAD就已經O黎左,之後就變成阿MO仲食得快過我O地幾個。
O係阿MO食緊佢個SALAD個時,阿魚同埋阿日就拿起相機同埋DV機,拍一下阿MO啦。阿MO就有D
SURPRISE咁,我O地就隨即向佢解釋話呢兩個係我O地今晚O既大會攝影師,係我O既朋友O黎O既。阿MO竟然望住阿魚,眼都定晒咁,我O地就問阿MO咩野事啦,竟然阿MO話覺得阿魚好熟口面!!咁我就話啦,無可能O家喎,阿魚又唔係阿MO
O既FANS,無可能見過O家WOR!阿MO仲話覺得阿魚好似唔知邊個記者,所以就覺得好熟口面!!我就答阿MO話,阿魚O岩O岩先畢業,雙失青年WOR,點會係記者啦!!咁我O地幾個笑O下笑O下就無左件事啦!!哈哈!!之後FUNYAN就好醒咁即刻打O左個電話俾幸太,因為幸太今晚O黎唔到,所以就用電話同阿MO傾左幾句,祝賀一下阿MO咁話呀!~差唔多8點3左右,AGATHA終於都趕到黎,仲同我O地同阿MO坐埋一檯添。
到阿MO食完個DINNER,我O地幾個份主菜先上檯。於是我O地就提議,不如阿MO可以係我O地食緊野O既時間,逐檯逐檯同O下D會員傾計,加深下認識呀嘛。咁我同阿BLUE就帶阿MO先去第一檯,即係KANNUS,韓芳,HESTER同埋ANDREA個檯,逐個介紹O左俾阿MO識先,阿MO就逐個逐個同佢地握手,因為呢一檯人入面,只有ANDREA,係阿MO之前已經見過O既!!~~然後我就同阿BLUE返埋自己個位度食埋個MAIN
COURSE,同埋傾下之後O既活動點安排。差唔多十多分鐘,我就再介紹O左俾隔離張檯O既會員識啦,今次有AR SIN, ANGELA, LOUISE
WONG同埋MAN MAN,其中LOUISE
WONG係第一次出O黎O家,可能因為呢檯人入面,有三個人平時都有去搵阿MO,所以大家都表演得好熟落,而新會員LOUISE又好玩得,所以好快大家就傾得埋,而且仲不時傳出陣陣笑聲添!!期間我仲做埋餐廳職員,幫大家添下水,睇O下大家同阿MO傾成點,傾完未咁,睇下幾時到下一檯O既FANS啦~咁大家都好識做,到差唔多時間,見到我行埋O黎,就知阿MO要去同其他FANS傾計,大家都好合作。之後阿MO就去左同KATHY,GLORIA呢兩位新會員O既一檯度同佢O地傾計,然後就去到林太,
JUNE,DAISY,安琪 O既一檯,然後AGATHA就加入同佢O地一齊同阿MO傾計啦~可能因為AGATHA都係新會員,未見過阿MO,有D怕羞啦,不過大家好快就熟落到!!
差唔多8點45分,大家都差唔多食完O野,而我O地幾位搞手就開始準備下一個節目,就係大家同阿MO合照簽名送禮物啦!!!!~~~好多會員可能都無乜O野俾阿MO簽名,所以我O地就諗到幫大家一人拍一張即影即有照片,可以俾阿MO即時簽名給大家留念,而我就充當即影即有攝影師,幫大家影相,而阿BLUE就幫會員用佢O地O既相機影,而大會攝影師阿魚都有幫大家影低一張,作一個後備COPY!不過真係估唔到大家可以係咁短時間準備到咁多禮物送俾阿MO,果然大家都好有阿MO心!!而且今晚時間都比較充裕,阿MO都可以逐件禮物拆開,再同FANS合照,阿MO仲大讚FANS有心思!!
一輪簽名送禮物合照時間過後,相信都滿足到咁多位FANS。呢個時候,阿BLUE就捧著一個有大"M"字的蛋糕出來,阿MO見到個蛋糕O個時,都不禁"嘩"O左一聲!然後我O地全部人就一齊為阿MO唱左首生日歌,阿MO誠心許過願之後,就一刀切了呢個生日蛋糕啦!因為這時已經差不多10點,所以當我O地捧走蛋糕之後拎去分給大家食時,我同FUNYAN就即時拿出阿MO為我O地準備O既禮物,舉行大抽獎。獎品除O左O係阿MO親自帶O黎之外,當中有一O的係出面街買唔到O既,就係TVB
2003年的年曆十二份,同埋電影<里情>POSTER兩張,另外仲有十多份護膚用品。
首先我O地抽O既,當然就係TVB O既年曆啦,在場各位會員都表現得好興奮,因為TVB這個年曆是街外沒有得賣的!!!而且阿BLUE都很懂得搞氣氛,令到大家情緒高漲起上來,完全都沒有理會外面的食客~~哈!!!大部份會員都獲得了年曆,竟然我O個兩個朋友(即係大會攝影師),兩個都中晒月曆!阿日仲好PRO咁,一領完獎就返回崗位,繼續拍攝,連阿MO都不斷係咁話佢O地兩個好PRO!期間林太都中了一個,之後阿JUNE又再中,但係阿JUNE就好禮讓咁話佢媽媽(即係林太)都抽中了,所以讓回這個機會出來,真係好!我同阿LOU仲不停咁話,我O地兩個無乜抽獎運實抽唔中,點知呢頭講,O個頭就中O左係我呀!!我都不禁尖叫了一聲,哈哈!!(最搞笑都係我呢頭先叫大家唔好咁大聲,驚嘈親出面D人,點知我就尖叫O左一聲!!)實在太開心!!~~因為我真係無諗過自己會中獎O家!!而我O地4個搞手入面,只有我同FUNYAN中獎。年曆中獎者包括:阿日(大會攝影師),KATHY, 安琪, MAN MAN, FUNYAN, ANGELA, 阿魚(大會攝影師), HESTER, 林太, DOROTHY(即係我啦!), AGATHA, ANDREA。抽完年曆之後,就到抽<里情>的POSTER, 最後只係得KANNUS同埋GLORIA中獎!!!一邊抽獎,一邊我同FUNYAN,阿LOU拿蛋糕分給會員,因為當時都差不多10點45分,都好夜啦,大家第二日又要返工返學,本來淨下來的護膚品都想再繼續抽的,之後阿MO都提議話不如分O左俾之前未中獎O既會員先,又再送多兩份給兩位勞苦功高O既大會攝影師阿日同埋阿魚,就係咁樣,所有禮物都送出晒俾各位。
大家吃完生日蛋糕,都已經11點啦,今次O既生日會都完滿結束,阿MO就逐個同會員握手同佢O地BYE
BYE目送佢O地離開。另外都仲有幾位會員仲未走,因為佢O地都未執好自己O既O野。呢個時候,因為要替內地及海外的FANS同阿MO做一個訪問,所以我就同阿MO行埋左一個角位準備,這時阿MO竟然拿出佢O既信用卡,叫我拎佢張信用卡去埋單!!!!我真係當堂呆左!!!因為當時阿MO又講得好細聲,淨係俾O左張信用卡我,問多兩次,佢就話叫我拎去埋單!!我當然就婉拒阿MO,開頭
佢都唔接受我O既婉拒O家,但係我都同返佢講,我話因為我O地已經收晒會員錢,而且今次係佢O既生日會,無理由要阿MO埋單O家MA,今次O既生日會,絕對係一班FANS送俾佢O既心意!!~咁阿MO聽到我咁講,就收返埋自己張信用卡啦!因為仲有幾位會員未走,咁阿MO就再同佢地傾O左幾句,咁佢O地都離開晒啦!
之後就淨返我O地4位搞手同兩位大會攝影師加埋阿MO係度,阿MO就係呢個時候,接受埋我同FUNYAN
O既訪問。一輪訪問之後,我O地幾個同阿MO終於都可以坐低,交待返今晚O既開支,同埋檢討一下今次O既活動,有冇O野需要改善,大家飲完杯O野,阿MO又食完個蛋糕之後,我O地就離開CAFE,各自歸家!是次活動亦到完滿結束!!!
後記
今次活動得以成功,真係要多謝一D人。第一個要多謝O既就係阿MO啦,因為佢係忙緊拍緊劇O既時候,將難得O既一日假期都拎左出黎同我O地一齊開生日會,俾一班FANS同佢見O下面,傾O下計;
第二個就係要多謝阿MO O既助手CARRI, 係呢一個月入面,經常都收到我電話問佢幾時阿MO有期可以開生日會,我都知其實我都好煩,成日都問住阿MO個期點樣,而CARRI都成日幫我O地睇住阿MO個期,睇O下阿MO幾時得閒,又幫我地做中間人O既工作,同阿MO聯絡,所以今次生日會得以順利完成,真係要好多謝CARRI,今次雖然CARRI要去外地做O野,所以O黎唔到今次生日會,希望我O地下次再幫阿MO搞活動O個時,可以邀請埋CARRI媽一齊O黎!
之後就係要多謝大會攝影師阿日同埋阿魚,多謝你O地仗義幫忙。阿魚幫我O地影完相又要幫手做後期執相調色O既工作,令到我O地O既可以晒D相出可以更加靚。阿日影完DV之後仲有一大堆手尾要跟,就係要幫我O地將片段剪輯成一隻VCD!我都唔知可以講D乜野好,總之一切多謝O既說話在心中啦!~~仲有,就係要多謝另外三位搞手(FUNYAN,阿LOU,阿BLUE)同埋自己,哈哈!!好搞笑!連自己都多謝埋~~最後,就係要多謝各位出席O既會員!!真係好多謝你O地無介意我O地通知得你O地咁趕。希望O係不久O既將來,我O地4個可以再為大家搞過另外一個聚會!~祝大家生活愉快!!
Dorothy